Wax Walba Oo Aad Uga baahantahay Final-ka Koobka Africa Ee Caawa Dhacaya.

Waxa caawa la ciyaari doonaa final-ka Koobka Africa ee ka socda dalka Ivory Coast.

Indhaha adduunka ayaa u jeedsan doona Africa iyada oo labada xul ee Nigeria iyo Ivory Coast ku kulmi doonaan kulan adag.

Labada xul ayaa isha ku haya ku guulaysiga koobka si loogu caleemo saaro xulka ugu fiican Africa sanadka 2024.

Hadaba halkan kaga bogo xaqiiqooyinka kulanka adag ee caawa final-ka Koobka Africa.

Ka dib guushii ay 1-0 kaga badiyeen wareega group-yada ee Ivory Coast, Nigeria waxay dooneysaa inay laba jeer ka badiso isla qarankan tartanka CAF Africa markii ugu horeysay tan iyo 2006, markaasoo ay garaaceen Senegal wareega group-yada iyo wareega 3-aad ee tartanka.

Ivory Coast ayaa ah dalkii ugu horeeyay ee marti galinaya koobka qaramada Afrika tan iyo Masar sanadkii 2006 oo koobka ku qaaday sanadkaas rigoorayaal ay kaga qaadeen maroodiyaasha kadib markii ay ku kala baxeen 0-0. Shan ka mid ah lixdii waddan ee ugu dambeeyay ee martigeliyay finalka ayaa ku guuleystay tartanka, marka laga reebo Nigeria 2000 (waxay 2-2 la galeen Cameroon, waxaana looga badiyay 4-3 rigoorayaal).

Nigeria ayaa ciyaaraysa finalkii sideedaad ee AFCON, kaliya Masar iyo Ghana (labadaba) ayaa ciyaaray kulamo badan oo sidan oo kale ah tartanka.

Dhammaan afartii ciyaarood ee hore ee Ivory Coast ee finalka Koobka Qaramada Afrika waxa ay ku dhammaatay gool la’aan iyo rigooreyaal – waxa ay badiyeen laba ka mid ah rigooreyaal (1992 iyo 2015, labadaba Ghana) iyo laba guuldaro (2006 vs Masar iyo 2012 vs Zambia).

1 Comment

Leave a Reply

Your email address will not be published.


*