Fiidnimada Arbacada kooxda reer Spain ee Barcelona ayaa marti galin doonta kooxda reer Talyaani ee Napoli lugta hore ee wareega 16-ka champions League.
Barcelona ayaa kulankan iyada oo rajaynaysa in ay gaadho natiijo wax ku ool ah oo ka caawin doonta kulanka lugta 2-aad halka Napoli oo iyada iyo tababaraheeda cusub ay doonayso in ay gaadhaan guulo.
Barcelona ayaa Napoli ku wajahday kaliya labo jeer Champions League, labaduba waxay ahaayeen wareega 16-ka champions league xilli ciyaareedkii 2019-2020.
Kulankii hore ee ka dhacay Napoli waxa uu ku dhamaaday bar-baro 1/1 ah laakiin kooxda Barcelona ayaa badisay lugta 2-aad ee wakhtigaas iyaga oo iska xaadiriyay wareega xiga.
Barcelona waxa ay rajaynaysaa in ay ku celiso xaaladii xilli ciyaareedka 2019-2020 iyaga oo u soo baxay wareega 8 dhamaadka.
Be the first to comment