Adam Lallana ayaa sheegay in ku dhawaaqista Jurgen Klopp ee ah in uu ka tagayo Liverpool dhamaadka xilli ciyaareedkan ay la mid tahay dareenkii markii uu Steven Gerrard shaaciyay in uu ka tagayo kooxda.
Ciyaaryahanka khadka dhexe ee hadda Brighton ayaa hore uga soo hoos ciyaaray Klopp markii uu joogay Liverpool, isagoo kula guuleystay Champions League iyo Premier League waqtigiisii kooxda, ka hor inta uusan ka tagin 2020 ka dib markii uu dhacay qandaraaskiisa.
Lallana ayaa amaanay saamaynta isbadalka ah ee uu Klopp ku sameeyay in uu Liverpool ka dhigo mid ka mid ah kooxaha looga cabsado Yurub wuxuuna aaminsan yahay in kooxdiisii hore ay ku dhibtoon karto badalkiisa.
35-sano jirkaan ayaa fure u ahaa kooxda Klopp markii uu halyeyga Liverpool ee Gerrard ka tagay kooxda wuxuuna isbarbar dhigay sida labada go’aan saamayn isku mid ah ugu yeesheen Liverpool.
Isaga oo sharaxaya ‘ma la yaabi doono’ hadii De Zerbi u soo guuro Anfield, Lallana ayaa sidoo kale muujiyay sida uu dareemayo niyad jab ka dib markii uu markii ugu horaysay maqlay Klopp oo sharaxaya in uu baxayo.
“La yaab iguma noqon doonto [haddii De Zerbi uu ku biiray Liverpool]. Waxaan u maleynayaa in kooxaha oo dhan ay eegayaan Roberto,” ayuu u sheegay talkSPORT.
“Indhahayga, waa mid ka mid ah tababarayaasha ugu fiican adduunka. sida ay arintan u saamayso Tababarayaasha xilli ciyaareedkan”.
Klopp oo ka hayaama liverpool waxay keeni
doonta in wakhti badan ay qadato in ciyaartooyadu isku fahmin
Ta Labadana waa nadiyadii dhibanaha uu ahaan jirey klopp oo iyana ay Farxad utahay tagista klopp ee liverpool
Klopp ayay ku xasuusan doonan liverpool sidii u Soo dhisay naadi ay adkayd inuu Ciyaaro champion league iyo koobab kale ba isago intii u joogay kooxda uqaday
Champion league
Premier league
World cup club
Super cup
Facup
League cup