Kooxda reer Spain ee Real Madrid ayaa maanta oo Salaasa ah ku dhawaaqday, bayaan rasmi ah oo ay soo saartay, inay cusboonaysiisay qandaraaska daafaca Jarmalka ah Antonio Rüdiger, kaas oo qandaraaskiisu ku ekaan lahaa 30-ka June ee sanadkan.
Kooxda boqortooyada ayaa bayaankeeda ku sheegtay:
“Real Madrid waxay heshiis la gaartay ciyaaryahankeena Antonio Rüdiger si loo cusboonaysiiyo qandaraaskiisa, kaas oo ku sii hayn doona kooxda ilaa 30-ka Juun 2027.”
Daafaca Jarmalka ah ayaa ku biiray Real Madrid xagaagii 2022, isagoo uga yimid kooxda Chelsea si xor ah.
Rüdiger ayaa u saftay Real Madrid 182 kulan tartammada kala duwan, isagoo dhaliyay 8 gool isla markaana bixiyay 4 caawin (assists).
Intii uu joogay Real Madrid, Rüdiger wuxuu ku guuleystay:
Horyaalka La Liga (Spanish League)
Laba jeer Koobka UEFA Super Cup
Koobka Adduunka ee Kooxaha (Club World Cup)
Super Cup-ka Spain
Koobka Intercontinental Cup
Tani waxay sii xaqiijinaysaa doorka muhiimka ah ee Antonio Rüdiger uu kaga jiro difaaca kooxda Real Madrid.
Be the first to comment