Virgil van Dijk ayaa aaminsan in Liverpool ay u baahan tahay “xagaaga weyn” suuqa kala iibsiga si ay ugu guuleysato koobab xilli ciyaareedyada soo socda.
Liverpool ayaa kaliya u baahan laba guul si ay ugu guulaysato horyaalka Premier Leaque waxayna ku Guulaysan Kartaa isla maalinta Axada laakiin kabtan Van Dijk ayaa mustaqbalka eegaya.
Waxa uu aaminsan yahay inay u baahan yihiin inay mashquul ku ahaadaan xagaaga ka dib markii ay iibsadeen kaliya hal ciyaaryahan oo qayb ka ah kooxda Arne Slot, Federico Chiesa, sannadkii hore.
Liverpool ayay u badan tahay inay lumiso Trent Alexander-Arnold marka uu qandaraaskiisu dhaco, iyadoo daafaca midig uu bartilmaameed u yahay Real Madrid, Van Dijk ayaana dareensan in daaha gadaashiisa, agaasimaha kubada cagta Richard Hughes iyo milkiilayaasha Fenway Sports Group ay isku dayi doonaan inay Saxiixyo sameeyaan.
Wuxuu yiri: “Waxaan u maleynayaa in Liverpool ay awood u leedahay inay u tartanto horyaalada sanadaha soo socda, wax kasta oo dhaca marka loo eego ciyaartoyda baxaysa, ciyaartoyda soo galaya, waxaan qabaa inay tahay xagaaga weyn, waxaan qabaa inay qorsheynayaan inay xagaaga weyn sameeyaan, marka dhammaanteen waa inaan ku kalsoonaanaa guddiga taageere ku xiran Liverpool si uu u qabto shaqada saxda ah.”
Qandaraaska Van Dijk ayaa dhamaanaya xagaagan laakiin waxa uu wadahadalo kula jiray Liverpool muddo bilo ah waxana uu todobaadkii hore sheegay in horumar la sameeyay.
Be the first to comment