Tottenham ayaa guul weyn ka gaadhay kooxda Man United kulan ka tirsanaa horyaalka premier League oo ka dhacay Old Trafford.
Kulanka ayaa ahaa mid ay Man United 10 xiddig ku dhamaysatay qaybtii dambe ee ciyaarta.
Kooxda Tottenham ayaa daqiiqadii 3-aadba dhalisay goolka 1-aad waxana u dhaliyay xiddiga Brennan Johnson kaas oo hogaanka u dhiibay kooxdiisa.
Tottenham ayaa wax walba kaga fiicnayd kooxda Man United kuwaas oo ku dhibaatooday in ay weerar qaadaan.
Man United ayaa daqiiqadii 42-aad kaadhka cas looga saaray xiddiga khadka dhexe ee Bruno Fernandes kaas oo ciyaarta kooxdiisa kaga tagay 10 xiddig.
Qaybtii dambe ayay Tottenham si dar-dar leh ku bilaabatay iyaga oo doonayay in ay mar kale ka naxsadaan kooxda Man United.
Daqiiqadii 47-aad ayay Tottenham dhalisay goolka 2-aad waxana u dhaliyay xiddiga Dejan Kulusevski kaas oo ciyaarta ka dhigay 2/0.
Kooxda Man United ayaa isku dayday in ay samayso fursado laakiin waxa ay ku dhibaatoonaysay in ay dhaafto daafaca Tottenham.
Daqiiqadii 77-aad ayay Tottenham dhalisay goolka 3-aad ee ay ciyaarta ku dishay waxana u dhaliyay xiddiga Dominic Solanke kaas oo ciyaarta ka dhigay 3/0.
Be the first to comment