Weeraryahanka Chelsea Cole Palmer ayaa barbareeyay rikoor u yaalay kooxdiisa kulankii Arbacadii ay 2-1 kaga badiyeen Brighton & Hove Albion.
Ciyaaryahanka heerka caalami ee dalka England ayaa daqiiqadii 34-aad dhaliyay goolkii furitaanka,kadib markii uu la kulmay kubad uu soo qaaday Marc Cucurella,si uu madax uGu dhaliyo goolka.
Gool uu Palmer dhaliyay ayaa Chelsea hogaanka ugu dhiibay waqtigii nasashada, ka hor inta uusan Christopher Nkunku dhalin goolkiisii seddexaad ee Premier League xilli ciyaareedkaan.
Kadib markii uu hogaanka u dhiibay kooxdiisa Palmer ayaa bar-bareeyay ikoodh ay Chelsea premier League ka dhigtay isaga oo noqday xiddiga goolasha uGu horeeyay u dhaliyay kooxda Chelsea xilli ciyaareeedkan.
Xiddiga Palmer ayaa dhaliyay 9 gool furitaanka goolasha kooxdiisa waxana uu la bar-bareeyay Halyeeyga Gianfranco Zola oo sidaas sameeyay xilli ciyaareedkii 1998/1999.
Be the first to comment