Goolhayihii hore ee kooxda chelsea Mark Schwarzer ayaa rumaysan in xiddiga Liverpool ee Alexis Mac Allister uu ka fiican yahay xiddiga Arsenal ee Declan Rice xilli ciyaareedkan.
Labada xiddig ayaa ku soo kala biiray labada kooxood xagaagii iyada oo Reds 35 milyan oo euro kula soo wareegtay xiddiga Mac Allister Halka ay Arsenal 105 milyan oo euro kula soo wareegtay xiddiga Rice.
Labada xiddig ayaa ka mid ah xiddigaha ugu fiican kooxdooda xilli ciyaareedkan iyada oo labada kooxood ku jiraan tartanka premier Legaue.
Xilli uu Rice amaan ku helay qaab ciyaareedkiisa Schwarzer ayaa rumaysan in qaa ciyaareedka Mac Allister ka fiican yahay marka la qiimeeyo qaab ciyaareedka iyo lacagta laga soo bixiyay.
“Mac Allister, waa in aan ka hadlo, waa ciyaartoy cajiib ah oo so bandhiga qaab ciyaareed cajiib ah, waxa aan mar walba ka hadlanaa Declan Rice iyo sida uu ugu fiican yahay Arsenal laakiin waxa aan qabaa in uu Mac Allister Ka fiican yahay isla markaas ka qiimo fiican yahay”.
Labada xiddig ayaa si weyn uga caawiyay kooxohooda in ay si weyn ugu tartamaan horyaalka waxana ay door weyn ka ciyaareen in ay horumariyaan khadka dhexe ee kooxdoda.
Be the first to comment