Xiisad ayaa la sheegay inay ka dhex dhalatay labada xiddig ee xulka France, Kylian Mbappé iyo Ousmane Dembélé, iyadoo hadalladooda ku saabsan tartanka Ballon d’Or 2026 ay sababeen in xaaladdu sii kululaadaan, Labada ciyaaryahan ayaa kamid ah 30-ka musharrax ee u tartamaya abaalmarinta Ballon d’Or sanadkan, Dembélé ayaa horey ugu guuleystay abaalmarinta sanadkii hore, halka Mbappé uusan weli ku guuleysan abaalmarinta intii uu ciyaarayay.
Xiisadda ayaa bilaabatay kaddib markii Mbappé uu ka hadlay waddadiisa kubadda cagta, isagoo sheegay inuu yahay ciyaaryahan loo arkayayo “midka mudan in ladoorto”, isla markaana uu heerka ugu sarreeya gaaray xilli hore oo xirfaddiisa ah.
Hadalladaas ayaa u muuqday kuwo aan si fiican uga farxin Dembélé iyo qaar kamid ah dadka ku dhow, waxaana Dembélé uu jawaab ka bixiyay isagoo sheegay inuusan waligiis ahayn ciyaaryahanka la doortay, balse uu si adag u shaqeeyay si uu u gaaro halka uu maanta joogo.
Dembélé wuxuu sidoo kale tilmaamay inuu inta badan xirfaddiisa ahaa qof aan hadal badan ka sameyn guulihiisa, isla markaana uu muddo dheer ku jiray safafka dambe, taasoo loo fasirtay inay jawaab toos ah o kusocota hadalladii Mbappé, Sida ay qortay warbaahinta Faransiiska ee L’Équipe, dadka ku dhow Dembélé ayaan haba yaraatee ku qanacsanayn hadallada Mbappé, waxaana la sheegay inay wareysigiisa marar badan akhriyeen oo falanqeeyeen si ay si sax ah u fahmaan fariinta uu gudbinayay.
Warbixintu waxay intaas ku dartay in hadallada Mbappé ay caro iyo yaab ka dhex abuureen qaar kamid ah dadka ku dhow Dembélé, iyadoo xitaa gudaha qolka labiska PSG ay ka dhalatay falcelin xooggan, maadaama Mbappé horey ugu soo ciyaaray kooxda Paris, Dembélé ayaa sidaas darteed go’aansaday inuu si dadban uga jawaabo, isagoo fariin cad diray: inuusan aqbalayn in la yaso ama la dhimo qiimihiisa, isla markaana uusan diyaar u ahayn inuu iska aamuso haddii si aan habboonayn looga hadlo.
Dhanka kale, Mbappé ayaa la sheegay inuu la yaabay hadalladii Dembélé, balse uusan doonayn inuu si fagaare ah uga jawaabo, Sida warbixintu sheegtay, labada ciyaaryahan ayaa la filayaa inay arrinta ku xalliyaan kulan gaar ah oo saaxiibtinimo, iyadoo haddii ay ku adkaato inay iyagu isfahmaan, tababaraha xulka France, Zinedine Zidane, uu door ka qaadan karo dejinta xaaladda inta lagu jiro fasaxa xulalka.
Warbaahinta RMC ayaa iyaduna sheegtay in hadallada labada ciyaaryahan ay halis gelin karaan midnimada qolka labiska xulka France, iyadoo laga cabsi qabo in xiisaddan ay saameyn ku yeelato ciyaartoyda kale, France ayaa xilliga fasaxa xulalka ciyaari doonta afar kulan, waxaana ay wajihi doontaa Turkey, Belgium oo laba jeer ay la ciyaari doonto, iyo Italy, dhammaantoodna במסגרת tartanka Nations League.
Be the first to comment