Koobka Adduunka 2026 ayaa aad u soo dhow. Ka dib sanado badan oo diyaar-garow ah, isreeb-reeb xiiso leh, iyo warar badan oo wanaagsan iyo kuwo xun oo la xiriira tartanka ugu weyn ee FIFA, ciyaartoyda iyo tababarayaasha adduunka ayaa dhammeystiraya diyaargarowgoodii ugu dambeeyay ka hor inta aysan u safri doonin Maraykanka, Mexico iyo Canada bisha Junesi ay uga qeyb qaataan tartankii caalamiga ahaa ee ugu weynaa abid.
Laakiin iyadoo xiisaha tartanku sii kordhayo ka hor furitaanka ciyaarta ee Mexico City 11-ka June, taageerayaashu waxay sidoo kale cabsi badan dareemeen toddobaadyadii la soo dhaafay mar kasta oo ciyaaryahan caan ah dhaawacmo. Iyadoo wax ka yar laba bilood ay ka harsan tahay tartanka, xitaa dhaawacyo yar-yar ayaa baabi’in kara rajada ciyaaryahan uu kaga qeyb geli lahaa Koobka Adduunka.
Sidaas darteed, inkastoo qaar ka mid ah ciyaartoyda ugu waaweyn aysan imaan doonin sababtoo ah dalalkooda oo aan u soo bixin, haddana waxaa sii kordhaya liiska ciyaartoyda riyadoodii Koobka Adduunka ay burburtay sababo ka baxsan gacantooda.
Rodrygo (Brazil)
Brazil waxay leedahay weerar xooggan, balse tababare Carlo Ancelotti ma heli doono Rodrygo xagaagan kadib markii uu jilibka ka jabay (ACL) bishii Maarso. Tani waxay ka hor istaagtay inuu ka qayb galo tartanka, gaar ahaan kadib niyad-jabkii uu la kulmay Koobkii Adduunka 2022.
Sidoo kale saaxiibkiisa kooxda Eder Militao ayaa dhaawac ku maqan, halka wiilka da’da yar Estevao uu wali la tacaalayo dhaawac muruqa ah.
Hugo Ekitike (France)
France, oo leh weerar xooggan ay ku jiraan Kylian Mbappe iyo Ousmane Dembele, waxay waayi doonaan Ekitike kadib markii seedda Achilles ay ka jabtay bishii Abriil. Inkastoo uu si fiican ugu ciyaaray Liverpool, haddana tartanka wuu seegi doonaa.
Xavi Simons (Netherlands)
Netherlands ayaa rajo weyn ka qabtay tartankan kadib Euro 2024, laakiin Simons ayaa ka maqnaan doona kadib dhaawac ACL ah oo soo gaaray. Wuxuu ahaa ciyaaryahan muhiim u ah kooxda.
Serge Gnabry (Germany)
Germany waxay ka walwalsan tahay weerarkooda, waxaana Gnabry uu door weyn ka ciyaari lahaa. Si kastaba, dhaawac ka soo gaaray tababarka ayaa ka reebay tartanka.
Patrick Agyemang (USA)
Weeraryahanka Mareykanka ayaa sidoo kale ka maqnaan doona kadib dhaawac culus oo Achilles ah. Inkastoo uusan si buuxda u hubin booskiisa, haddana wuxuu ahaa xulasho muhiim ah.
Luis Angel Malagon (Mexico)
Goolhayaha koowaad ee Mexico ayaa sidoo kale dhaawacmay, taasoo fursad siin karta halyeeyga Guillermo Ochoa inuu ka ciyaaro Koobkiisii 6-aad ee Adduunka.
Guud ahaan, dhaawacyadu waxay si weyn u saameeyeen kooxo badan ka hor Koobka Adduunka 2026, taasoo ka dhigaysa in ciyaartoy badan ay lumiyaan fursadihii ugu waaweynaa ee xirfaddooda.
Be the first to comment