Tababaraha Kooxda Man City Pep Guardiola ayaa ka fal celiyay bar-barihii ay kooxdiisu la gashay Bournemouth isla markaas u hambalyeeyay Arsenal iyo ku guulaysiga premeir League.
Guardiola iyo kooxdiisa ayaa u baahnaa in ay badiyaan si ay u sii wadaan rajada horyaalka isla markaas la gaadhaan maalinta ugu dambaysa ee horyaalka.
“Waxaan u qalannay wax ka fiican caawa. Kubadda cagtu mararka qaar way naxariis daran tahay, laakiin tani waa qayb ka mid ah ciyaarta. Waxaa laga yaabaa inuu yahay xilli ciyaareedkaygii ugu dambeeyay, runtii waxaan rabay inaan ka tago Manchester City anigoo gacanta ku haya hal koob weyn oo kale. Nasiib darro, uma dhicin sidii aan ku riyoonayay”
“Laakiin haddii aynaan ku guuleysan Premier League, macnaheedu maaha inaan fashilnay. Dadku si fudud ayay hadda u isticmaalaan eraygaas. Ku guuleysiga horyaalkan waa mid ka mid ah waxyaabaha ugu adag kubadda cagta. Mararka qaar koox kale ayaa si fudud kaaga fiican xilli ciyaareedka oo dhan”
“Xilli ciyaareedkan, waa inaan iraahdaa Arsenal waxay mudan yihiin ixtiraam. Waxay ahaayeen kuwo cajiib ah. Aragtidayda, waxay ahaayeen mid ka mid ah kooxaha ugu fiican Yurub sanadkan. Xamaasadda, maskaxda guusha iyo tayada ay muujiyeen toddobaad kasta waxay ahayd wax aan la rumaysan karin”
“Mikel Arteta wuxuu halkaas ka dhisay wax gaar ah. Waan ogahay in dadka qaar internet-ka ku kaftamaan, laakiin xaqiiqdu waa Arsenal waxay qof walba gaarsiisay heerkiisa ugu sarreeya. Waxay kasbadeen xaqa ay ugu dagaallamayaan horyaalkan, laga yaabee inay xitaa ku guuleystaan”
Taageerayaasha Manchester City, waad ku mahadsan tihiin wax walba. Waxaan kooxdan siinnay waqtiyo aan la ilaawi karin, koobab, rikoorro iyo xusuuso aan cidina tirtiri karin.
“Ugu dambeyn, hambalyo Mikel Arteta iyo Arsenal. Haddii ay ku guuleystaan horyaalka, si buuxda ayay ugu qalmaan. Nasiib wacan iyaga iyo taageerayaashooda… laga yaabee in Premier League-kan ugu dambeyn uu noqday mid Arsenal leedahay.”
Be the first to comment