Halyeeygii hore ee Liverpool, Jamie Carragher, ayaa ka horyimid fikradda ah in xiddiga reer France Bradley Barcola uu yahay beddelka ugu habboon ee Mohamed Salah, isagoo sheegay in kooxda ay si degdeg ah ugu baahan tahay ciyaaryahan ka ciyaara garabka midig.
Carragher ayaa hadalkan sheegay xilli Liverpool ay si weyn ugu dhowdahay saxiixa Barcola oo ka tirsan Paris Saint-Germain, iyadoo wararku sheegayaan in heshiiska lagu qiyaasayo 150 milyan oo euro.
Isagoo ka hadlayay qorshaha kooxda, Carragher wuxuu yiri: “Barcola ma aha beddelka ugu fiican ee Salah. Isagu waa garab bidix, halka Liverpool ay u baahan tahay garab midig.”
Wuxuu sidoo kale tilmaamay in Liverpool ay horey u haysato ciyaartoy badan oo ka ciyaari kara dhinaca bidix.“Waxaan leenahay Rio Ngumoha, Cody Gakpo iyo Florian Wirtz oo dhammaantood ka ciyaari kara garabka bidix, laakiin ma lihin ciyaaryahan dabiici ahaan uga ciyaara garabka midig.”
Carragher ayaa intaas ku daray in Rio Ngumoha uu mar walba ku fiicnaa garabka bidix, halka uu isweydiiyay booska saxda ah ee Florian Wirtz uu ka ciyaari doono.
Be the first to comment