Daafaca reer Spain Marc Cucurella ayaa ugu baaqay saaxiibkiisii hore ee Chelsea Enzo Fernandez inuu xagaagan ku biiro Real Madrid.
Cucurella ayaa horraantii bishan kaga biiray Real Madrid heshiis lagu qiimeeyay £52 milyan, kaddib markii kooxda uu hoggaamiyo Jose Mourinho ay ku guuleysatay tartan ay kula jirtay Barcelona iyo Atletico Madrid.
Dhanka kale, Enzo Fernandez ayaa sidoo kale ku jira liiska ciyaartoyda ay Real Madrid doonayso, iyadoo Mourinho uu qorsheynayo inuu xoojiyo khadka dhexe ka hor bilaabashada xilli ciyaareedka cusub.
Xiddiga reer Argentina ayaa shaki geliyay mustaqbalkiisa Chelsea xilli ciyaareedkii hore, waxaana Cucurella uu sheegay inuu rajeynayo inuu mar kale garabkiisa ka ciyaaro Madrid.
Isagoo la hadlayay Radio Marca, Cucurella wuxuu yiri:
“Enzo waa ciyaaryahan heer sare ah, waana saaxiibkay. Wuxuu ii hambalyeeyay markii aan u saxiixay Real Madrid. Waxaan rajeynayaa in heshiiskiisuna uu dhaco. Aad ayaan ugu farxi lahaa.”
Wuxuu intaas ku daray:
“Chelsea waxaan ku qaadanay waqti aad u wanaagsan. Haddii labadeenuba aan isku xagaagan ugu biirno Real Madrid, waxay noqon lahayd arrin aad u qurux badan. Waxaan rajeynayaa inuu nasiib yeesho oo uu noqdo ciyaaryahan Real Madrid ah.”
Be the first to comment