João Pinheiro ayaa markii ugu horreysay ka hadlay murankii ka dhashay kulankii u dhexeeyay Argentina national football team iyo Switzerland national football team ee Koobka Adduunka 2026, isagoo sidoo kale sharaxay dooddii dhex martay Lionel Messi.
Kulanka oo ahaa wareegga siddeed dhammaadka (Quarter-final) ayaa Argentina ku adkaatay 3-1, balse waxaa si weyn looga dooday go’aan lagu casaan siiyay weeraryahanka Switzerland, Breel Embolo.
Garsoore João Pinheiro ayaa sheegay in dib-u-eegista VAR ay muujisay inuusan jirin qalad uu galay ciyaaryahanka Argentina, balse Embolo uu sameeyay matalaad (simulation). Sidaas darteed, digniintii hore loo siiyay Leandro Paredes waa laga noqday, waxaana loo wareejiyay Embolo, taasoo noqotay digniintiisii labaad isla markaana sababtay casaankiisa.
Pinheiro wuxuu yiri:
“Waxaan aragnay inuusan jirin wax qalad ah, balse ay ahayd matalaad. Maadaama ay ahayd kaarkiisii labaad ee jaallaha ahaa, waxaa xigtay casaanka. Haddii ay ahaan lahayd digniintii ugu horreysay, go’aanku sidaas oo kale ayuu ahaan lahaa.”
Garsooraha ayaa sidoo kale ka hadlay dooddii dhex martay Lionel Messi intii ciyaartu socotay, taasoo ay kamaraduhu qabteen.
Wuxuu yiri:
“Messi wuxuu ila soo qaaday dhowr arrimood, sida ay sameeyaan kabtanno kale, Xeerarka cusub waxay u oggolaanayaan kabtannada inay si dhow ula hadlaan garsoorayaasha.”
Wuxuu intaas ku daray in dhacdada ay si weyn u faaftay waxa uu yiri :-
“Sababtoo ah wuxuu ahaa Messi, arrinta waxay heshay dareen badan. Laakiin xaalado sidan oo kale ah waxay ku dhacaan ciyaartoy badan, Marka ay khuseyso Messi ama Cristiano Ronaldo, dadka waxay u eegaan si ka duwan.”
Ugu dambeyn, João Pinheiro ayaa sheegay in wax walba ay ku dhammaadeen isfaham, isagoo yiri:
“Waxaa laga yaabaa inuu si khaldan u fahmay arrin aan sameeyay. Waan wada hadalnay, isfahamnayna, kadibna arrinta waan ka gudubnay.”
Be the first to comment