Laacibka khadka dhexe ee xulka England, Jude Bellingham, ayaa shaaciyay waxa dhab ahaantii dhex maray isaga iyo Lionel Messi intii lagu jiray kulankii semi-finalka ee Koobka Adduunka 2026, kaas oo Argentina ay ku garaacday England habeenkii Arbacada.
Bellingham iyo Messi ayaa kamaradaha qabteen iyagoo is dhaafsanaya hadallo kulul intii ay ciyaartu socotay, taasoo dhalisay hadal-heyn badan.
Kulanka waxaa hoggaanka u dhiibay England ciyaaryahanka Anthony Gordon, balse Argentina ayaa laba gool oo dambe dhalisay, taasoo u sahashay inay u soo baxdo finalka tartanka.
Markii ciyaarta dhammaatay, Bellingham ayaa wax laga weydiiyay dhacdadii isaga iyo Messi dhex martay.
Wuxuu yiri:
“Wax dhibaato ah kama dhexayn aniga iyo Messi.”
Wuxuu sii raaciyay:
“Waxaan ka wada hadleynay isku dhac yar oo ciyaarta dhexdeeda dhacay, mana jirin wax xun oo dhacay.”
Bellingham ayaa sidoo kale sheegay:
“Waan hubaa in dad badan arrintan ay ka dhigi doonaan mid ka weyn sidii ay ahayd, laakiin aniga ahaan waxba kama jirin.”
Ugu dambayn wuxuu amaanay Messi isagoo yiri:
“Aniga ahaan sharaf weyn ayay ii ahayd inaan wajaho Leo Messi.”
Be the first to comment