Barcelona waxay u furan tahay inay iska iibiso Raphinha haddii Manchester United ay bixiso 60-ka milyan ee euro sida ay sheegayaan wararka ka imanaya Spain.
27 jirkaan ayaa Barca ugu soo biiray lacag dhan £49m oo uu kaga soo biiray Leeds United labo sano ka hor, waxaana uu dhaliyay 20 gool 87 kulan oo uu saftay tan iyo markii uu u dhaqaaqay Spain.
Laakiin ka dib soo bixitaanka Lamine Yamal, daqiiqadaha Raphinha waa la dhimay, xiddiga heerka caalami ee dalka Brazil ayaana ku soo bilowday kaliya 17 kulan oo horyaalka La Liga ah xilli ciyaareedkii hore.
Sida laga soo xigtay Sport, Raphinha ma doonayo in uu ka tago Barcelona xagaagan laakiin kooxda ayaa u furan in ay iibiso si ay u fududayso xaaladeeda dhaqaale.
Wararka ayaa sheegaya in Manchester United ay diiwan galisay xiisaheeda waxayna u arkaan Raphinha dooqa ugu sareeya ee ay ku bedeli karaan Jadon Sancho iyo Antony, kuwaas oo laga yaabo inay Old Trafford ka tagaan ka hor inta uusan xirmin suuqa kala iibsiga xagaaga.
Dhanka kale, Barcelona ayaa la sheegay inay si cad u sheegtay inay diyaar u yihiin in ay iska fasaxaan Raphinha hadii ay United bixiso laca dhan 60 milyan oo euro.
Be the first to comment