Haatan kooxda ayaa dhamaystirtay saxiixa daafaca reer Italy ee Riccardo Calafiori, talaabada xigta ayaa u muuqata in ay keento xiddiga reer Spain ee Mikel Merino kaas oo ay bar-tilmaameed u ahaa sanado badan haatan.
Arsenal ayaa qorshaynaysay inay xoojiyaan kooxdeeda xagaagan, haatana tababare Mikel Arteta ayaa haysta difaaciisa, khadka dhexe ayaa u muuqda inuu yahay dhaqaaqa xiga.
Merino ayaa ka caawiyay Spain inay ku guulaysato Euro 2024 horaantii xagaagan, waxaana uu haatan galayaa sannadkii ugu dambeeyay ee qandaraaskiisa Sociedad waxana ay kooxdu ka cabsi qabtaa in ay si xor ah ku lumiso.
Xilli ciyaareedkii hore 28 jirkaan ayaa 8 gool dhaliyay 5 kalena caawiye ka noqday Sociedad waxana uu door muhiim ah ka qaatay in uu kooxda ka caawiyo in ay u soo baxdo Yurub.
Talaabadan ayaa lala xidhiidhinayaa bixitaanka dhaw ee Emile Smith Rowe kaas oo u muuqda inuu ku biirayo Fulham xagaagan iyo Reiss Nelson oo ay u badan tahay inuu baxo bilaha soo socda.
Be the first to comment