HORDHAC: Mexico Vs South Africa: Wax Walba Oo Aad Uga Baahantahay Kulanka Furitaanka Koobka Adduunka.

koobka adduunka oo si weyn loo wada sugayay ayaa caawa si Rasmi ah u bilaaban doona.

Kulanka furitaanka ayaa dhexmari doona xulalka Mexico Iyo South Africa kaas oo lagu bilaabi doono tartanka.

Kulanka oo si weyn loo wada sugayo ayaa ka dhici doona garoonka caanka ah ee Estadio Azteca ee Mexico City.

Kulanka: Mexico Vs South Africa

Tartanka: Koobka Adduunka

Wakhtiga: 10:00

XAQIIQOOYINKA KULANKA:
Kulankii furitaanka Koobka Adduunka 2010 ayaa ahaa markii ugu dambeysay ee kulan furitaan ah oo Koobka Adduunka ah ku dhammaado barbaro.

Ciyaaryahankii South Africa, **Siphiwe Tshabalala**, ayaa dhaliyay gool qurux badan oo cajiib ah, kaasoo noqday goolkii ugu horreeyay ee kulanka. Si kastaba ha ahaatee, **Rafael Márquez** oo u ciyaarayay Mexico ayaa markii dambe dhaliyay goolka barbaraha, taasoo keentay in kulanku ku dhammaado **1-1**.

Kahor kulankan Koobka Adduunka 2026, labada xul ee **Mexico** iyo **South Africa** waxay kulmeen **afar jeer**.

* Mexico ayaa badisay **laba kulan**.
* South Africa ayaa badisay **hal kulan**.
* **Hal kulan** ayaana ku dhammaaday barbaro.

Taas macnaheedu waa in Mexico ay taariikh ahaan wax yar uga sarreyso South Africa marka la eego kulamadii hore ee dhex maray labada xul.

**Mexico** waxay Koobka Adduunka 2026 ku soo gashay iyadoo ku jirta qaab ciyaareed wanaagsan, kadib markii aysan wax guuldarro ah la kulmin **siddeedii kulan ee ugu dambeysay**, iyadoo badisay **6 kulan** isla markaana barbaro gashay **2 kulan**.

Dhanka kale, **South Africa**, oo ka qaybgalaysa Koobka Adduunka markii ugu horreysay tan iyo 2010, waxay raadineysaa inay markii ugu horreysay taariikhdeeda u gudubto **wareegga bug-baxa ** ee Koobka Adduunka.

Haddii ay South Africa gaarto wareegga xiga, waxay noqon doontaa guul taariikhi ah oo ay markii ugu horreysay ka gaaraan tartanka Koobka Adduunka.