Difaacii hore ee Arsenal, Sol Campbell, ayaa taageeray in Gunners ay garaaci doonaan Chelsea marka ay ku martigeliyaan Blues horyaalka Premier League Axadda, Maarso 1, garoonka Emirates Stadium.
Campbell sidoo kale wuxuu saadaaliyay in kooxda uu hoggaamiyo Mikel Arteta ay ku guuleysan doonto horyaalka Premier League xilli ciyaareedkan.
Wuxuu hadalkan jeediyay kaddib markii Arsenal ay dhowaan 4-1 ku garaacday Tottenham Hotspur kulankii North London derby-ga.
Haatan, Arsenal waxay shan dhibcood ka horreysaa Manchester City oo ku jirta kaalinta labaad ee kala sarreynta Premier League.
Si kastaba ha ahaatee, kooxda uu tababaro Pep Guardiola waxay heysataa hal kulan oo baaqi ah, maadaama ay ilaa hadda ciyaareen 27 kulan.
“Afar gool iyo hal guul meel ka baxsan garoonkaaga, sii wad dadaalka, sii wad horumarka, waana gaari doonnaa. Sannadkan ayaan ku guuleysan doonnaa [horyaalka Premier League],” ayuu yiri Campbell sida ay soo xigatay Metro UK.
“Arsenal waxay markale ciyaari doontaa toddobaadka soo socda marka ay soo dhoweynayaan kooxda uu tababaro Liam Rosenior”
“Gunners waxay xilli ciyaareedkan ka adkaadeen Chelsea laba lugood oo ay iskaga horyimaadeen semi-finalka Carabao Cup”
Si kastaba, markii la weydiiyay in Arsenal mar kale ka adkaan karto Chelsea, Campbell wuxuu yiri: “Waxaan ku garaacnay koobka, mar kale ayaan ku garaaci karnaa.”
Be the first to comment