Bukayo Saka ayaa seegi doona kulanka weyn ee ay kooxdiisu la ciyaari doonto Liverpool Todobaadka dambe kadib dhaawacii muruqa ahaa ee soo gaadhay.
Inkasta oo uuna dhaawacu ahayn mid halis ah xiddiga reer England ayaa sidoo kale seegi doona kulanka ay kooxdiisu la ciyaari doonto Man City Bisha September.
Saka ayaa dhaliyay goolkii labaad ciyaartii ay Arsenal 5/0 kaga badisay Leeds United Sabtidii ka hor inta uuna dhaawac uga bixin ciyaarta.
Sida laga soo xigtay BBC Sport, Saka ayaa garoomada ka maqnaan doona ilaa 4 todobaad oo u dhiganta muddo bil ah.
Hadii uu 23 jirku maqnaado intaas waxa uu soo laaban doona kadib fasaxa caalamiga ah ee soo socda.
Saka ayaa seegi doona sidoo kale kulanka ay kooxdiisu marti galin doonto Man City 21 Bisha soo socota hadii uuna taam noqon wakhtigaas.
Be the first to comment