Warbaahinta England ayaa shaaca ka qaaday horumar cusub oo ku saabsan mustaqbalka xiddiga Liverpool inta lagu guda jiro xilli ciyaareedkan.
Liverpool ayaa si ku meel gaar ah hogaanka ugu haysa kala saraynta horyaalka Ingiriiska iyada oo leh 12 dhibcood.
Shabakadda “caughtoffside” ayaa ka warbixisay horumarka laga gaaray wadahadalada ku saabsan kordhinta qandaraaska weeraryahanka kooxda, Luis Diaz, inta lagu jiro xilliga soo socda.
Warka ayaa sheegaya inkasta oo mustaqbalka xiddigaha Mohamed Salah, Virgil van Dijk iyo Trent Alexander-Arnold, aan la go’aamin, haddana maamulka Reds ayaa aad u doonaya inay heshiis cusub ka saxiixdaan xiddiga Luis Diaz.
Waxaa xusid mudan in qandaraaska uu ciyaaryahanka reer Colombia Luis Diaz kula jiro kooxdiisa Liverpool uu dhacayo xagaaga 2027.
Be the first to comment