Real Madrid ayaa Arbacada la ciyaari doonta Liverpool kulan ka tirsan champions league.
Real Madrid oo kaliya lix dhibcood ka heshay afartii kulan ee ay ciyaartay ayaa ku jirta meel dhibco ah mana awoodi karto in ay dhibco lumiso, maadaama ay raadinayso in ay ku dhameysato siddeeda sare.
Liverpool ayaa dhinaca kale hogaaminaysa champions league iyaga oo badiyay dhamaan kulamadii ay ciyaareen.
Kullankaan, daafaca Liverpool Virgil van Dijk ayaa soo jeediyay fikirkiisa ku aadan Real Madrid. Laacibka reer Holland oo aan waligii guul ka gaarin Los Blancos ayaa waxaa ka go’an inuu soo afjaro rikoorka xun ee uu ka haysto kooxda heysata horyaalka Yurub.
“Haddii aad lumiso laba final oo Champions League ah, waxaan u maleynayaa inay taasi aad iyo aad u xanuun badan tahay,” ayuu yidhi.
“Waligay kama badin iyaga wakhtigeyga Liverpool ama waqti ahaan ciyaaryahan kubada cagta ah”.
“Waxay heleen hab ay ku guuleystaan mar walba oo ay naga Hor yimaadaan kulamadii hore, waxa ay haystaan xiddigo fiican iyo waliba tababare sidaas darteed mar walba kulankoodu waa adagyahay”.
“Waxa aan haystaa wax weyn oo ugu dhiiri galinayana in aan badino kulankan”
Be the first to comment