Real Madrid ayaa qorsheynaysa inay si rasmi ah ugu dhawaaqdo soo laabashada Jose Mourinho tababarenimo Axadda ama Isniinta soo socota marka uu dhammaado xilli ciyaareedka La Liga, sida ilo wareedyo ay u sheegeen ESPN.
Madrid ayaa martigelin doonta Athletic Club garoonka Santiago Bernabeu Stadium habeenka Sabtida saacadda 9:00 fiidnimo waqtiga Spain, kulan kaas oo noqon doona kii ugu dambeeyay ee xilli ciyaareedka 2025/26.
ESPN ayaa Isniintii sheegtay in Mourinho — oo hore Real Madrid u soo maamulay intii u dhexeysay 2010 ilaa 2013 — uu heshiis labo sano ah ku gaaray inuu dib ugu soo laabto caasimadda Spain, isla markaana uu durba sagootin ka bilaabay kooxdiisa hadda ee Benfica.
Real Madrid ayaa yeelatay xilli ciyaareed niyad-jab leh, kadib markii ay kaalinta labaad kaga dhammaatay La Liga iyadoo ay horyaalka qaadday Barcelona, sidoo kalena laga reebay wareega sideed dhammaadka ee UEFA Champions League.
Taasi waxay ka dhigan tahay labo sano oo xiriir ah oo kooxda aysan ku guuleysan wax koob weyn ah.
Alvaro Arbeloa ayaa bishii Janaayo loo magacaabay inuu beddelo Xabi Alonso, balse labada tababare midkoodna ma uusan gaarin waxqabadkii laga filayay.
Madaxweynaha kooxda Florentino Perez ayaa hadda dib ugu laabtay Jose Mourinho, kaas oo uu toddobaadkii hore ku ammaanay inuu “kor u qaaday tartanka iyo awoodda Real Madrid” intii uu kooxda markii ugu horreysay maamulayay, isla markaana uu dhisay aasaaska guulihii dambe ee kooxda.
Be the first to comment