Liverpool ayaa isha ku haysa in ay u dhaqaaqdo xiddiga Real Madrid Andriy Lunin iyaga oo raadinaya Goolhaye la tartama Alisson.
Lunin ayaa muhiim u ahaa kooxda Real Madrid xilli ciyaareedkii dhamaaday isaga oo kooxda joogto ugu ciyaaray kulana guulaystay La Liga iyo champions League.
Laakiin kaliya hal sano ayaa uga harsan qandaraaskiisa, waxaana lagu wadaa inuu kaydka u galo Thibaut Courtois oo haatan taam noqday.
Goolhayaha reer Ukraine ayaa haatan ka fikiraya mustaqbalkiisa waxana uu dhagaysan doonaa dalabyada u imanaya.
Wargeyska Isbaanishka ayaa sheegaya in Liverpool ay haatan ka fiirsaneyso inay u dhaqaaqdo saxiixiisa.
Reds ayaa raadineysa bedelka Caoimhin Kelleher, kaasoo la filayo inuu ka tago Anfield xagaagan, iyadoo Lunin uu u soo muuqday dooq macquul ah.
Be the first to comment