Gary Neville ayaa ku booriyay Mikel Arteta in aanu is badal weyn ku samayn shaxdiisa kulanka soo socda ee ay la ciyaari doonaan Man City todobaadka dambe.
Inkasta oo ay xiddigo muhiim ah ka maqnaayeen Axadii, Gunners ayaa 1/0 kaga badisay Tottenham kulan ka tirsnaa premier League.
Kooxda Arsenal ayaa 2 dhibcood ka dambaysa kooxda Man City laakiin waxa ay soo yarayn karaan dhibcahaas kulankooda Axada dambe marka ay la ciyaari doonaan kooxda pep Guardiola.
Neville ayaa filaya in uu Rice ku so laabto shaxda waxana uu u sheegay Arteta in uu ku badalo Jorginho isla markaas uu shaxda ku sii hayo xiddiga Trossard oo wacdaro ka dhigay khadka dhexe kulankii Tottenham.
“Waxa aan qabaa in uu Rice ku soo laaban doono shaxda isla markaas badali doono Jorginho, intaas wixii ka dambeeya sidaas shaxda haku daayo”ayuu yidhi Nivelle.
“Waxa aan qabaa in uu Trossard shaqo fiican ka qabtay khadka dhexe gaar ahaan booska No.10 sidaas darteed ma ahan in uu badalo shaxdiisa”ayuu sii raaciyay.
Be the first to comment