Barcelona ayaa diiday fursad ay kula soo saxiixan lahayd xiddiga kooxda Chelsea ee Joao Felix bishii January iyaga oo doonayay in ay la soo saxiixdaan weeraryahanka Manchester United ee Marcus Rashford.
Chelsea ayaa iska iibisay Felix wax ka yar lix bilood ka dib markii ay 45 milyan ku qarashgareysay kubad sameeyaha reer Portugal.
Felix, oo heshiis todobo sano ah u saxiixay Chelsea, ayaa wacdaro ka dhigay intii lagu jiray amaah uu ku joogay Stamford Bridge 2023 laakiin mar walba way adkeyd in la arko halka uu ku haboonaan karo marka loo eego joogitaanka Cole Palmer.
Isagoo ku soo bilowday kaliya seddex kulan oo Premier League ah xilli ciyaareedkan, Felix wuxuu doonayay inuu baxo bishii January waxaana uu dhameystiray amaah maalinta ugu dambeysa uu ugu wareegayo kooxda Serie A ee AC Milan.
Sida laga soo xigtay wargayska Sport, Felix ayaa loo soo bandhigay Barcelona ka hor inta uusan ku biirin AC Milan laakiin Kooxda La Liga ka ciyaarta ayaa iska diiday fursadaas.
Waxaa la sheegay in Felix uu doonayay inuu ku laabto Barcelona, isagoo amaah ugu soo biiray ka dib markii ugu horeysay ee Chelsea, laakiin madaxda Nou Camp Joan Laporta iyo Deco ayaa iska diiday.
Si kastaba ha ahaatee, Barca ayaa xiiseyneysay saxiixa xiddiga heerka caalami ee dalka England Marcus Rashford oo ka tagayay Man United Bisha.
Be the first to comment