Barcelona ayaa caawa wajahaysa kooxda Elche, kulankoodii 1aad horyaalka La Liga, iyadoo tababare Hansi Flick uu ku dhawaaqay shaxda uu ku bilaabanayo kulankan.
Barcelona ayaa xilli-ciyaareedka cusub dooneysa inay hesho guusheedii ugu horreysay ee rasmi ah, iyadoo sidoo kale isku dayaysa inay difaacato horyaalka La Liga oo ay labadii xilli-ciyaareed ee ugu dambeeyay ku guuleysatay.
Flick ayaa weerarka ku soo bilaabay Lamine Yamal, Raphinha iyo Karim Adeyemi, halka khadka dhexe ay ka ciyaarayaan Gavi, Fermín López iyo Marc Bernal.
Dhinaca difaaca waxaa ku jira Christensen, Gerard Martín, Xavi Espart iyo Eric García, halka goolka Barcelona uu ilaalinayo Joan García.
Hamza Abdelkarim kursiga keydka
Ciyaaryahanka Soomaaliyeed ee Hamza Abdelkarim ayaa kulankan ku jira liiska Barcelona, balse wuxuu ciyaarta ka bilaabanayaa kursiga keydka.
Tababare Hansi Flick ayaa doortay inuu weerarka ku bilaabo Yamal, Raphinha iyo Adeyemi, taasoo ka dhigan in Hamza uu fursad u heli karo inuu ciyaarta soo galo qeybta labaad, haddii xaaladda kulanku u saamaxdo.
Kulankan ayaa sidoo kale ah kulankii ugu horreeyay ee rasmi ah ee Hamza Abdelkarim uu kooxda koowaad ee Barcelona qayb uga noqdo, sidaas darteed indhaha taageerayaasha ayaa si gaar ah ugu jeeda haddii uu heli doono daqiiqado uu isku muujiyo.
Shaxda Barcelona
Goolhaye: Joan García.
Difaaca: Christensen, Gerard Martín, Xavi Espart, Eric García.
Khadka dhexe: Gavi, Fermín López, Marc Bernal.
Weerarka: Lamine Yamal, Raphinha, Karim Adeyemi.
Keydka: Cancelo, Cubarsí, Pedri, Szczęsny, Gordon, Dani Olmo, Koundé, Cortés, Farinas, Hamza Abdelkarim, Alier iyo Bisquerra.
Barcelona ayaa rajaynaysa inay Elche ka qaadato saddexda dhibcood, halka Hamza Abdelkarim uu sugayo fursaddiisa si uu kulankiisa rasmiga ah ee ugu horreeya ugu safto kooxda weyn ee Barcelona.
Be the first to comment