Rashford, Mourinho, Fernandez Iyo Wararkii Ugu Dambeeyay Ee Suuqa Kala Iibsiga

Waxa Lagu jiraa kulamadii ugu Dambeeyay Ee Xilli Ciyaareedka iyada oo kooxuhu bilaabeen qorshohooda suuqa kala iibsiga.

Halka Kaga bogo Wararkii Ugu Dambeeyay Ee Suuqa Xagaaga.

**Manchester United ayaan qorsheynayn inay dib ugu soo daraan kooxda koowaad weeraryahanka England ee Marcus Rashford xilli ciyaareedka dambe haddii uu kasoo laabto amaahda uu ku joogo Barcelona.

**Dhanka kale, Rashford ayaa weli doonaya inuu sii joogo kooxda Spain isla markaana uu hoos ka ciyaaro tababare Hansi Flick, inkastoo mustaqbalkiisa Manchester United uu mugdi ku jiro.

**Real Madrid ayaa ka fikiraysa inay dib u soo ceshato tababarihii hore Jose Mourinho, balse kooxdiisa hadda ee Benfica waxay rabtaa inuu ugu yaraan hal xilli ciyaareed kale sii joogo.

**Arsenal iyo Barcelona ayaa xiiseynaya khadka dhexe ee Chelsea, Enzo Fernandez, balse waxay tartan kala kulmayaan Manchester City.

**Newcastle United ayaa mudnaanta siin doonta saxiixa goolhaye cusub xagaagan kadib markii ay u arkeen booskaas meel daciif ah. Bartilmaameedyada waxaa kamid ah goolhayaha Manchester City iyo England ee James Trafford iyo goolhayaha Brighton & Hove Albion ee Netherlands Bart Verbruggen.

**Arsenal ayaa qorsheynaysa inay ciyaartoy badan iibiso suuqa kala iibsiga xagaaga inkastoo ay heshay in ka badan £120 milyan oo lacagta abaalmarinta UEFA ah kadib markii ay gaartay final-ka Champions League.

**Brentford ayaa ka shaqeynaysa saxiixa daafaca Austria ee 19-jirka ah Jannik Schuster kana tirsan Red Bull Salzburg heshiis lagu qiyaasay £17 milyan.

**Tottenham Hotspur ayaa bartilmaameedsanaysa daafaca Brighton & Hove Albion ee Jan Paul van Hecke, inkastoo Chelsea iyo Liverpool ay sidoo kale xiiseynayaan.

**Daafaca Chelsea ee Wesley Fofana ayaa loo bandhigay Barcelona iyadoo uu wakiilkiisu wadahadallo sameeyay.