Khadka dhexe ee Manchester United, Casemiro, ayaa sharaxay sababta uusan hal sano oo dheeraad ah ugu sii joogayn kooxda.
Laacibka 34-jirka ah ayaa lagu wadaa inuu ka tago garoonka Old Trafford dhammaadka xilli ciyaareedkan.
Si kastaba ha ahaatee, taageerayaasha kooxda ayaa ku boorriyay xiddiga reer Brazil inuu heshiiskiisa hal sano ku kordhiyo, kadib bandhiggiisii cajiibka ahaa ee uu u sameeyay kooxda uu tababaro Michael Carrick xilli ciyaareedkan.
Isagoo ka hadlayay arrintan, Casemiro ayaa u sheegay ESPN Brasil:
“Wax fursad ah ma jirto [inaan hal sano kale sii joogo”
“Waxaan uga tagayaa albaabka hore. Waxay ahaayeen afar sano oo cajiib ah, waxaana si aan dhammaad lahayn ugu mahadcelinayaa kaliya kooxda ma aha, balse sidoo kale taageerayaasha”
Waxaan u maleynayaa inay dhammaatay. Wareeggaygii halkan wuu soo idlaaday. Waxaan u gudbayaa cutub cusub oo xirfaddayda ah.”
Be the first to comment