Pep Guardiola ayaa shaaca ka qaaday haddii uu daawan doono Arsenal toddobaadkan, iyadoo ay isku dayayaan inay cadaadis dheeraad ah saaraan kooxdiisa Manchester City tartanka xiisaha leh ee horyaalka Premier League.
Gunners ayaa haatan haysta farqi saddex dhibcood ah oo ay ku hoggaaminayaan horyaalka Premier League, iyadoo afar kulan ay ka harsan yihiin xilli ciyaareedkan.
Tani waxay timid kadib markii ay ka soo kabsadeen guuldarro 2-1 ah oo ka soo gaartay Manchester City garoonka Etihad Stadium, kadibna ay dib u hantaan hoggaanka toddobaadkii hore iyagoo 1-0 gurigooda kaga adkaaday Newcastle United. Waxay sidoo kale ka faa’iidaysteen in kooxdooda la tartamaysa ay ku mashquulsaneyd ciyaarta semi-finalka FA Cup ee ay la ciyaarayeen Southampton garoonka Wembley Stadium.
Waxay sidoo kale faa’iido u leeyihiin inay ciyaaraan marka hore usbuucan fasaxa Bank Holiday, iyagoo martigelinaya Fulham fiidnimada Sabtida garoonka Emirates Stadium, halkaas oo ay fursad u leeyihiin inay farqiga ka dhigaan lix dhibcood ka hor inta aan Manchester City – oo weli leh hal kulan oo dheeraad ah (game in hand) – ay u safan ciyaar ay la leeyihiin Everton habeenka Isniinta.
Markii la weydiiyay shirkii jaraa’id ee ka hor ciyaarta Jimcaha haddii uu daawan doono Arsenal, Pep Guardiola wuxuu yiri:
“Saacaddee ayay ciyaarayaan? Tababar kadib ayay noqoneysaa, markaa laga yaabee inaan daawado.”
Wuxuu yiri: “Waa sida ay tahay. Arsenal waxay joogaan semi-finalka UEFA Champions League, markaa waa sida ay tahay. Markii aan ku guuleysanay saddeey waxaan lahayn jadwal la mid ah, laakiin muddo dheer ayaan bartay inaanan wax kale filan. Waa inaan la qabsanno oo kulanba kulan u qaadanno”
Be the first to comment