Samuel Eto’o Oo Saadaaliyay Xiddiga Ku Guulaysan Doona Abaalmarinta Xiddiga Ugu Fiican Africa Sanadkan

Weeraryahankii hore ee xulka Cameroon, Samuel Eto’o, ayaa sheegay in xiddiga Senegal Sadio Mané uu mudan yahay inuu ku guuleysto abaalmarinta Ciyaaryahanka Afrika ee Sanadka.

Mané ayaa horey ugu guuleystay abaalmarintan sannadkii 2021, kaddib markii uu ka caawiyay xulka Senegal (Teranga Lions) inay ku guuleystaan koobkoodii ugu horreeyay ee Koobka Qaramada Afrika (AFCON).

Sannadkan, weeraryahanka Al Nassr ayaa door muhiim ah ka qaatay guushii Senegal ee AFCON markale, iyagoo 1–0 kaga adkaaday Morocco ciyaartii kama dambaysta ahayd.

Wareysi uu siiyay FRANCE24, Eto’o wuxuu amaanay saameynta Mané ee gudaha garoonka iyo bannaankiisaba.

Eto’o wuxuu sidoo kale ka hadlay sida Mané uu u dhex galay una dejiyay xaaladda markii daqiiqadihii ugu dambeeyay ee kulanka rigoore lagu abaalmariyay Morocco Axaddii la soo dhaafay.

Wuxuu yiri:
“Waxaan ku faraxsanahay oo sharaf ii ah inaan ugu yeero saaxiib, doorkii uu ka qaatay hoggaaminta kooxdiisa ilaa guusha wuxuu ahaa mid aan caadi ahayn.

“Waxaan rajeynayaa inuu mar kale ku guuleysto Ciyaaryahanka Afrika ee Sanadka, sababtoo ah wixii uu sameeyay, gaar ahaan ficilladiisii shalay, waxay muujinayaan astaamaha hoggaamiye dhab ah.”