Hugo Ekitike ayaa hoos u dhigay walaaca laga qabo dhaawaca muruqa bowdada (hamstring) kaddib guuldarradii 1-0 ee ay Liverpool kala kulantay Galatasaray kulankii Champions League.
Kooxda uu hogaamiyo Arne Slot ayaa laga badiyay iyadoo Victor Osimhen uu rigooradii daqiiqaddii 16-aad u dhaliyay kooxda reer Turkiga guusha.
Ekitike ayaa lagu qasbay inuu garoonka ka baxo daqiiqaddii 68-aad kadib markii uu dareemay xanuun muruqa bowdada ah, taasoo ka dhigeysa inuu shaki ku jiro ka qeybgalka kulanka adag ee Premier League oo Liverpool ay booqanayso Chelsea Sabtida.
Kaddib ciyaarta, Slot ayaa yiri:
“Wuxuu wax ka dareemay muruqa markii uu isku dayay inuu kubadda gaadho.”
“Waxaan u maleynayaa in aan dhammaanteen ognahay middee ahayd markii aan isku dayeynay inaan wax qasbano.”
Si kastaba ha ahaatee, James Pearce oo ka tirsan The Athletic ayaa ka warbixiyay RAMS Park kaddib ciyaarta isagoo sheegay in Ekitike uusan si weyn uga welwelin dhaawaca muruqa bowdada.
Pearce ayaa ku qoray bartiisa X:
“Hugo Ekitike wuxuu ku kalsoon yahay inuu kaliya qabay xanuun muruqa bowdada ah (cramp), ma ahan wax dhaawac culus oo sii daran”
Be the first to comment