“Waxa AY ku Socdaan Wadada Saxda Ah” Joe Cole Oo Magacaabay Kooxda Ku Guulaysan Doonta Champions League.

Ciyaaryahankii hore ee Chelsea, Joe Cole ayaa u saadaaliyay Paris Saint-Germain inay ku guuleysato koobka UEFA Champions League xilli ciyaareedkan.

Cole ayaa aaminsan in kooxda heysata horyaalka Faransiiska ee Ligue 1 ay ku taagan tahay wadadii saxda aheyd ee ay ku hanan laheyd tartanka ugu sareysa Yurub xilli ciyaareedkan.

Xiddigii hore ee England ayaa hadlay kadib markii ay PSG gaadhay Semi-final-ka champions Leageu.

Isagoo u hadlayay TNT Sports, Cole wuxuu yiri: “Dhammaanteen waan xasuusannahay kooxdii PSG ee dhowr sano ka hor”.

“Waxay ku guulaysteen koobab horyaal ah laakiin kuma guulaysan kartid tartan kan oo kale ah adigoo sidaas u ciyaaraya”

“Waxa amaan mudan dadka PSG kuwaas oo go’aansaday in y Jiho kale u dhaqaaqaan”.

“Dhammaantood waxay ku socdaan wadadii saxda ahayd, runtii, runtii, aad ayaan u jecelahay in ay ku guulaystaan champions League”.