Alan Shearer ayaa saadaaliyay kulanka dhexmari doona kooxaha Man United iyo Wolves kulanka Boxing Day-ga horyaalka premier League.
Labada kooxood ayaa doonaya in ay gacanta ku dhigaan dhamaan 3-da dhibcood ee ciyaarta isla markaas badiyaan kulanka.
Ma noqon doonto wax u fudud labada kooxoodba xilli ay Wolves guul 3/0 ah ka gaadhay Leicester City halka ay United guuldaro 3/0 ah kala kulantay Bournemouth.
Inkasta oo ay labada kooxoodba kulanka u soo galayaan sidii ay u badin lahaayeen Alan shearer ayaa saadaaliyay in ay labada kooxood bar-baro ku kala bixi doonaan.
“Wolves waxa ay heshay natiijo fiican kulankii Leicester City waxana ay u ahayd wax fiican marka la eego in ay tababare cusub yeesheen”.
“Man United waxa ay ku jirtaa qaab ciyaareed xun sidaas darteed waxa aan saadaalinayaa in ay labada kooxood ku kala baxaan bar-baro”.
Be the first to comment