Enzo Maresca ayaa sheegay in Ben Chilwell iyo Carney Chukwuemeka ay noqon doonaan xiddigaha kooxda ka dalban doona in ay ka tagaan kooxda suuqa January.
Chilwell ayaa ciyaaray kaliya 45 daqiiqo kulankii ay Blues ka badisay Borrow bishii September daqiiqado kalena ma ciyaarin.
Xiddiga 27 jirka ah ayaa lagu qasbay in uu kaligiis tababar qaato bilowgii xilli ciyaareedka waxana uu doonayay in uu ka tago kooxda laakiin heshiiska ayaan dhicin.
Xiddiga ayaa haatan la filayaa in uu isaga tago kooxda marka la gaadho suuqa January iyada oo lala xidhiidhinayo kooxo ay ka mid yihiin Manchester United, Napoli, Fenerbahce iyo West Ham.
Chukwuemeka ayaa dhinaciisa ciyaaray kulamo ka badan chilwell laakiin xiddiga da’yarka ah ayaan wali ciyaarin Premier League waxana la sheegayaa in aanu ku faraxsanayn xaalada.
“Waxa jira xiddigo aan ciyaarin daqiiqado badan tartamada oo dhan tuusaale ahaan Chukwuemeka iyo chilwell”ayuu yidhi tababaraha chelsea.
“Waxa aan filayaa in ay noqdaan labada xiddig ee codsan doona in ay baxaan suuqa January”ayuu sii raaciyay.
Be the first to comment