Casemiro ayaa ku guuleystay biladii labaad ee xirfadiisa Manchester United laakiin waxa uu siiyay mid ka mid ah asxaabtiisa.
Ciyaaryahanka khadka dhexe ee Manchester United Casemiro ayaa sharaxay sababta uu u siiyay bilada kooxdii ku guuleysatay FA Cup saaxiibkiis.
United ayaa ku guuleysatay FA Cup markii 13aad ee taariikhdeeda bishii May markaasoo ay 2-1 ku garaacday kooxda ay xafiiltamaan ee City finalkii ka dhacay Wembley.
Casemiro ayaa markii hore badal ku soo galay ciyaarta laakiin waxa lagu qasbay in uu isaga tago kooxda kadib markii uu dareemay xanuun muruqa ah.
Waxaa lagu soo waramayaa inuu u sheegay Erik ten Hag inuusan dooneyn inuu ciyaaro ka dib markii uu dhaawacmay. Laakiin xiddiga reer Brazil ayaa wali gacanta ku dhigay koobka kadib guushii Carabao Cup ee ay ka qaadeen Newcastle United, halkaas oo uu dhaliyay goolkii furitaanka ee ay ku badiyeen 2-0.
Si kastaba ha ahaatee markii ay timid biladii uu ka qaatay finalkii FA Cup-ka, Casemiro ayaa bilada siiyay Tyrell Malacia, kaasoo aan hal daqiiqo ciyaarin xilli ciyaareedkii 2023/2024 sabab la xidhiidha dhaawac.
Malacia ayaa goob joog ka ahaa ciyaarta waxaana uu ka qeyb qaatay dabaaldega balse uma qalmin bilad. Si kastaba ha ahaatee, waxa uu helay bilada Casemiro kaas oo ka hadlay sababta uu u qaatay go’aanka uu u ogolaado saaxiibkiis.
“Ma garaneyn in Malacia uu ka hadlay arintaas, laakiin waa run, isaga ayaan siiyay biladayda” ayuu yiri Casemiro, sida laga soo xigtay The Mirror.
“Ma uusan ciyaarin hal kulan xilli ciyaareedkaas, mana uusan dooneynin in uu aado goobta bixinta bilada”.
“ma jirin wax bilad ah oo isaga loogu tala galay sidaas darteed midaydii ayaan siiyay sababta oo ah waxa uu ka qayb yahay kooxdii xilli ciyaareedka door ka qaatay si kasta oo ay ahaato”.
Be the first to comment