Mohamed Salah ayaa u muuqda mid xaqiijinaya in xilli ciyaareedkan uu noqon doono kiisii ugu dambeeyay ee Liverpool kadib guushii ay ka gaadheen kooxda Man United.
Salah ayaa dhaliyay hal gool waxaana uu caawiyay labo kale iyadoo Liverpool ay 3-0 kaga badisay United garoonka Old Trafford.
Si kasta ha ahaatee xiddiga reer Masar ayaa sheegay in ayna kooxdu wali wax wadahadalo heshiis cusub ah la furin isla markaas sanadkan noqon doona midkiisii ugu dambeeyay.
“Waxa aan soo qaatay xagaa fiican, waxa aan haystay wakhti dheer oo aan kaga fikiri karo waxyaabo fiican, sida aad ogtahay sanadkan waa midkii ugu dambeeyay ee kooxda”ayu Salah yidhi.
“Waxa aan doonayaa in aan ku raaxaysto, ma doonayo in aan ka fikiro wax kale, waxa aan arki doonaa waxa dhaca sanadka dambe”.
Be the first to comment