Tababaraha kooxda Liverpool Arne Slot ayaa jawaab ka bixiyay wararka sheegaya in Luis Diaz uu ogolaaday inuu ku biiro Manchester City suuqa kala iibsiga ee xaggaaga.
El Chiringuito ayaa wariyay galabnimadii Salaasadii in xiddiga heerka caalami ee dalka Colombia uu heshiis shan sano ah la gaaray kooxda heysata horyaalka Premier League.
Wararka ayaa intaa ku dartay in City ay diyaar u tahay inay bixiso 70 milyan oo euro 27 jirkaan, inkastoo ilo wareedyo Liverpool ay sheegayaan in kooxdu aysan helin wax xiriir ah.
Slot, oo xagaagan Anfield ku bedelay Jurgen Klopp, ayaa haatan jawaab ka bixiyay wararka ka soo baxaya Spain ee ku saabsan ciyaaryahankiisa tayada leh.
Slot oo arintaas ka hadlaya ayaa yidhi”Markii aan soo galay waxa aan ka hadlaynay kubada cagta, arintaas ma ahan wax lala yaabi karo in aan maqlo xan ku saabsan Diaz”.
“Diaz halkan ayuu joogi doonaa waxa uu saamayn ku leeyahay Liverpool waxa aan rajaynayaa in uu qaato xilli ciyaareed fiican”.
Be the first to comment