Sida ay sheegayaan wararka, Manchester United ayaa heshiis la gaadhay xiddiga reer Portugal ee Bruno Fernandes Si ay heshiis cusub uga saxiixato xiddiga.
Xiddiga reer Portugal ayaa kooxda Man United kula jira haatan heshiis ilaa sanadka 2026 ah waxana lala xidhiidhinayay kooxaha sucuudiga, Bayern Munich iyo PSG Suuqa xagaagan.
Saxafiga Fabrizio Romano ayaa sheegay in ay Kooxda Man United heshiis afka ah la gaadhay xiddiga Bruno Fernandes si ay heshiis cusub uga saxiixato kaas oo gaadhaya ilaa sanadka 2027.
Isla saxafiga ayaa sheegay in uu kabtanka Man United qalinka ku duugi doono heshiiska cusub ka hor dhamaadka suuqa xagaagan.
Xiddiga reer Portugal ayaa Man United uga qayb galay 48 kulan xilli ciyaareedkii hore waxana uu dhaliyay 15 gool halka uu caawiyay 13 kale.
Be the first to comment