Moises Caicedo ayaa mar-marsiyo la yaab leh u sameeyay qaab ciyaareedkii liitay ee kooxdiisa kulamadii isku diyaarinta xilli ciyaareedka cusub.
Xiddiga khadka dhexe ee Moises Caicedo ayaa qaab ciyaareedkii liitay ee kooxda chelsea u sababeeyay tayada garoomada Maraykanka oo xun sida uu qabo.
Blues ayaa haatan ku sugan Maraykanka oo ay ku qaadanayso isku diyaarinta xilli ciyaareedka cusub.
Chelsea ayaa kaliya badisay hal kulan kulamadii isku diyaarinta iyada oo la xasuuqday kulamadii kale loogana badiyay goolal badan.
Ka hor kulanka soo socda ee ay Real Madrid kula ciyaari doonaan North Carolina, Caicedo ayaa la waydiiyay inuu sharaxo sababta ay Chelsea ugu dhibaatoonayso kulamada isku diyaarinta xilli ciyaareedka cusub.
“In aad Yurub ku ciyaarto lama mid ah in aad ku ciyaarto Maraykanka sababta oo ah Yurub waxa aad u fiican garoomada”ayuu yidhi.
“Garoomadu aad ayay u qalalan yihiin, waan ognahay inaan haysano xiddigo heer sare ah laakiin garoomada ayaan ahayn kuwo la mid ah kuwa yurub”.
Be the first to comment