Manchester United ayaa lagu soo waramayaa inay ka fiirsaneyso inay u dhaqaaqdo weeraryahanka dhexe ee Everton Dominic Calvert-Lewin inta lagu guda jiro suuqa kala iibsiga xagaagan.
Waxaa hadda jira warar badan oo ku saabsan mustaqbalka 27-sano jirkaan, iyadoo Newcastle United la rumeysan yahay inay wadahadallo la yeelatay Toffees si ay ugu dhaqaaqdo.
Si kastaba ha ahaatee, waxaa la fahamsan yahay in Magpies ay haatan isaga hartay xiisihii ay u qabtay xiddiga reer England, iyadoo kooxdu aysan dooneynin inay bixiso lacagta 40 milyan ee ay Everton doonayso.
Sida laga soo xigtay inews, Man United ayaa si lama filaan ah ugu dhaqaaqaysa saxiixa h ula soo baxday saxiixa Calvert-Lewin, iyadoo Red Devils ay da’yarkii hore ee Sheffield United ku dartay liiska ciyaartoyda u sharraxan suuqa kala iibsiga xagaagan.
Kooxda Erik ten Hag ayaa la rumeysan yahay inay horay ugu sii socon doonto soo xero gelinta xiddiga kooxda Bologna ee Joshua Zirkzee, laakiin haddii heshiiska ay ku fashilanto saxiixa xiddiga reer Holland, markaas kooxdu waxay dalab adag ka gudbin doontaa Calvert-Lewin.
Calvert-Lewin ayaa dhaliyay sideed gool waxaana loo diiwangeliyay seddex caawin 38 kulan oo uu u saftay Everton xilli ciyaareedkii 2023-24, oo ay ku jiraan todobo gool iyo labo caawin 32 kulan oo Premier League ah.
Be the first to comment