Ilkay Gundogan ayaa lagu soo waramayaa inuu doonayo inuu ka tago Barcelona ka dib hal xilli ciyaareed oo uu ku sugnaa kooxda.
Gundogan ayaa ka tagay Manchester City 7 xilli ciyaareed kadib, waxaana uu doortay in uu sanadkii hore ku biiro Barcelona.
Si kastaba ha ahaatee, kaliya waxa uu saxiixay heshiis labo sano ah, waxaana uu hadda galay sanadkii ugu dambeeyay ee qandaraaskiisa.
Sida laga soo xigtay wargayska Sport, xiddiga heerka caalami ee dalka Jarmalka ayaa lagu soo waramayaa inuu ku wargaliyay kooxda inuu doonayo inuu Ka tago kooxda ka ciyaarta La Liga.
Gundogan ayaa gabi ahaanba laga saaray kooxda Barcelona kulankoodii furitaanka horyaalka La Liga ee ay 2/1 kaga badiyeen Valencia.
Tababaraha Barcelona Hansi Flick in kastoo uu beeniyay in ka reebista xiddiga in ay sabab u tahay shaki la’aanta mustaqbalka xiddiga hadana waxa uu shaki ku jiraa in uu sii joogi doono kooxda.
Be the first to comment