Joshua Zirkzee ayaa si cajiib ah ku bilowday xirfadiisa Man United kadib markii uu gool dhaliyay kulankiisii ugu horeeyay ee Man United.
Si kasta ha ahaatee Danny Murphy ayaa sheegay in aanu xiddiga reer Netherlands ahayn xalka kooxda Man United.
“Xiddiga reer Netherlands waa mid xoogan sidoo kale leh xirfad Laakiin ma ahan weeraryahan fiican, waxa uu jecelyahay in uu kubada soo doonto oo uu ka ciyaaro Booska No.10, rikoodhkiisii gooldhalinta ee Bologna waxa uu ahaa mid aan fiicnayn”ayuu yidhi.
“Ilaa ay Man United la soo saxiixanayso weeraryahan dhab ah sida Ivan Toney dhawrka todobaad ee ka dhiman suuqa waa in aad ka jarto tayada Gooldhaliye fiican, Rasmus Hojlund diyaar uma ahan in uu Man United u dhaliyo 20 gool”.
“Waxaan ka garan karaa daawashada guushii 1-0 ay ka gaareen Fulham habeenkii jimcaha in United ay wali tahay shaqo socota”.
“Waxa ay ku dhameysteen kaalinta sideedaad xilli ciyaareedkii hore, iyagoo 31 dhibcood ka hooseeya City, dhammaan hadal haynta dhaawacyada daafaca ma ahan dhibaatada laakiin waxa ay ku dhibaatoodeen weerarka”ayuu sii raaciyay.
Be the first to comment