Ciyaaryahanka khadka dhexe ee Manchester United Casemiro ayaa lagu soo waramayaa inuu u sii joogay kooxda sababo la xiriira “isbeddelo waaweyn” oo ka dhacay Al Ittihad oo sababay in aanu heshiisku dhicin.
Dhaawac iyo qaab ciyaareedkii fiicnaa oo uu lumiyay xilli ciyaareedkii hore ayaa keentay in la hadal hayo mustaqbalka Casemro ee Man United kaliya 2 sano ka hor markii uu yimid kooxda.
Xiddiga ayaa lala xidhiidhinayay horyaalka sucuudiga laakiin heshiiska ayaan dhicin waxana uu xiddigu haatan ku bilowday xilli ciyaareedka si fiican.
Tababaraha Man United ayaa sheegay in aanu jirin wax cadayn ah oo muujinaya in uu Casemiro ka tagi doono kooxda.
Saxafiga Fabrizio Romano ayaa sheegay in ay kooxda sucuudiga ka ciyaarta doonaysay saxiixa xiddiga laakiin is badal ka dhacay kooxda ay keentay in ay soo afjarmaan wararkii xiddiga la xidhiidhinayay kooxda sucuudiga.
Be the first to comment