Mikel Arteta ayaa ku rajo weyn in Raheem Sterling uu dib ugu soo laaban karo qaab ciyaareedkiisii ugu fiicnaa ee gool dhalinta waqtigiisii Manchester City kadib markii uu ku biiray Gunners maalintii ugu dambaysay suuqii xagaaga.
Sterling ayaa heshiis amaah ah ugu biiray kooxda Arsenal maalintii ugu dambaysay suuqii xagaaga.
Xiddiga ayaa Arteta kula midoobay Arsenal kadib markii ay ka soo wada shaqeeyeen kooxda Man City.
Markii uu Arteta ahaa caawiyaha Man City, Sterling ayaa ka mid ahaa xiddigaha ugu fiican isaga oo dhaliyay 25 gool xilli ciyaareedkii 2018/2019.
Arteta oo ka hadlaya saxiixyadii ay kooxdiisu samaysay ayaa yidhi”Waan ku faraxsanahay waxa aan qabanay, haatan waxa aan diirada saaraynaa ciyaaraha”.
“Sterling waa mid ka mid ah xiddigaha ugu fiican waxana uu dhaliyay goolal badan, waxan rajaynayaa in uu dhaliyo goolal la mid ah kuwii uu u dhaliyay Man City”.
Be the first to comment