Nemanja Matic ayaa aaminsan in Manchester United ay samaysay ‘khalad’ kadib markii ay iska iibiyeen Scott McTominay maalintii ugu dambaysay suuqa kala iibsiga, waxa uuna sheegay in ay ku adkaan doonto in la badalo.
McTominay ayaa ugu dambayn ka tagay kooxdii uu markii ugu horaysay ku biiray isaga oo 5 jir ah isaga oo Napoli ugu biiray heshiis ku dhaw 26 milyan oo euro ah.
Ciyaaryahanka heerka caalami ee dalka Scotland ayaa 255 kulan u saftay kooxda koowaad ee United, 43 ka mid ah waxa uu yimid xilli ciyaareedkii hore isagoo ku soo baxay ciyaaryahan saameyn weyn ku leh kooxda Erik ten Hag.
Laakiin McTominay ayaa ka tagay kooxda waxana uu ku biiro kooxda Napoli kadib sanado badan oo uu joogay kooxda.
Xiddigii hore ee Man United Matic ayaa sheegay in ay Man United samaysay khalad markii ay iibisay xiddiga reer Scotland.
“Fikir ahaantayda Man United waxa ay samaysay khalad kadib markii ay iibisay McTominay”ayuu yidhi.
“Wakhtigan way adagtahay in la badalo xiddig isaga oo kale ah, Conte waa tababare maskax badan”.
Be the first to comment