Maalmo ka hor, Aurelien Tchouameni waxa uu yiri ‘dadku wax badan ayay ku arki doonaan Kylian Mbappe marka uu yimaado Spain” isagoo si maldahan u sheegay u dhaqaaqista Real Madrid.
Kylian qudhiisa ayaa ka jawaabay hadalka xiddiga ay isku xulka yihiin ee Aurelien Tchouameni.
“Hagaag, waxaan la ciyaaray Real Sociedad [16-kii Champions League, waxaan la ciyaareynaa Barcelona wareega 8da, hadii aan u gudubno, malaha Atletico Ayaan la ciyaari doona Semi-final-ka”.
“Sidaas darteed waa sax hadalka Tchouameni, waxa laga yaabaa in ay dadka reer Spain wax badan i arki doonaan”ayuu sii raaciyay.
Mbappe ayaa si weyn loola xidhiidhinayaa kooxda Real Madrid iyada oo heshiiskiisa kooxda PSG dhacayo dhamaadka xilli ciyaareedkan.
PSG ayaa la ciyaari doonta Barcelona wareega 8 dhamaadka tartanka champions League, hadii ay gudbaan waxa ay midkood la ciyaari doonaan Atletico Madrid ama Dortmund.
Be the first to comment