Kooxda Man City ayaa sii wada bilowgeedii fiicnaa ee premier League iyaga oo garaacay kooxda Ipswich Town.
Kooxda Ipswich ayaa ka naxsatay Man City iyaga oo daqiiqadii 7-aadba dhaliyay goolka 1-aad waxana u dhaliyay xiddiga Samie Szmodics kaas oo ciyaarta ka dhigay 1/0.
Laakiin Man City ayaa daqiiqadii 12-aadba soo laabatay waxana u dhaliyay Erling Haaland kaas oo ciyaarta ka dhigay 1/1.
Xiddiga khadka dhexe ee Kevin De Bruyne ayaa daqiiqadii 14-aad dhaliyay goolka 2-aad ee ciyaarta waxana uu ka dhigay 2/1.
Haaland ayaa daqiiqadii 16-aad dhaliyay goolka 3-aad waxana uu ciyaarta ka dhigay 3/1 ay kooxdiisu ku hogaaminayso.
Waxa sidaas ku dhamaatay qaybta hore ee ciyaarta iyada oo City wax walba ku fiicnayd.
Daqiiqadii 88-aad ee qaybta dambe ayuu Haaland dhamaystiray saddexleydii waxana uu ciyaarta ka dhigay 4/1.
Waxa ay ciyaartu ku dhamaatay 4/1 ay Man City ku gaadhay guusheedii 2-aad oo xidhiidh ah.
Be the first to comment