Bowen, Alvarez, Maresca, Guardiola, Dybala, Valverde Iyo Wararkii Ugu Dambeeyay Ee Suuqa Kala Iibsiga

Waxa Lagu jiraa kulamadii ugu Dambeeyay Ee Xilli Ciyaareedka iyada oo kooxuhu bilaabeen qorshohooda suuqa kala iibsiga.

Halka Kaga bogo Wararkii Ugu Dambeeyay Ee Suuqa Xagaaga

**Chelsea, Liverpool iyo Manchester United ayaa xiiseynaya weeraryahanka England ee Jarrod Bowen. Kooxaha kale waxay doonayaan inay ka faa’iideystaan dhibaatooyinka dhaqaale ee West Ham United haddii ay heerka ka dhacaan, iyagoo bartilmaameedsanaya ciyaartoydooda ugu fiican.

**Barcelona ayaa qaboojisay xiisihii ay u qabtay weeraryahanka Argentina ee Julián Álvarez ee Atletico Madrid, waxayna hadda doonayaan inay la soo saxiixdaan weeraryahanka Brazil ee João Pedro oo ka tirsan Chelsea.

**Tababaraha Manchester City, Pep Guardiola, ayaa taageeray in Enzo Maresca noqdo beddelkiisa mustaqbalka. Maresca waxaa doonaya AC Milan, Tottenham Hotspur iyo Real Madrid kadib bixitaankiisii Chelsea.

**Guardiola ayaa la sheegay inuu qaadan doono hal sano oo nasasho ah kadib marka uu ka tago Manchester City, kahor inta uusan tababare u noqon xul qaran.

**Benfica ayaa doonaysa tababaraha Fulham, Marco Silva, si uu u beddelo José Mourinho oo la filayo inuu u wareego Real Madrid. Sidoo kale Ruben Amorim ayaa musharrax ah.

**Weeraryahanka Argentina ee Roma, Paulo Dybala, ayaa diyaar u ah inuu xagaagan u wareego Premier League.

**Atletico Madrid iyo Borussia Dortmund ayaa ku tartamaya saxiixa khadka dhexe ee Denmark Matt O’Riley ee Brighton & Hove Albion. Tababaraha Tottenham Roberto De Zerbi ayaa sidoo kale taageere weyn u ah ciyaaryahanka.

**Real Madrid ayaa ka fiirsan karta iibinta khadka dhexe ee Uruguay Federico Valverde xagaagan.

**Xiisaha Everton ay u qabto garabka Chile ee Dario Osorio ee FC Midtjylland ayaan la filayn inuu saameeyo heshiiska ay doonayaan ee Jack Grealish kadib amaahdiisii Manchester City.

**Everton sidoo kale waxay dib u soo celisay xiisihii ay u qabtay weeraryahanka Ghana ee Abdul Fatawu oo ka tirsan Leicester City.