Kooxda Arsenal ayaa loo sheegay in ay u ciyaartay sidii kooxaha Jose Mourinho kulankii North London Derby.
Arsenal ayaa guul 1/0 ah ka gaadhay kooxda ay xafiiltamaan ee Tottenham kulan ka tirsanaa horyaalka premier League.
Gunners ayaa inta badan ee ciyaarta difaac ku jirtay iyada oo Tottenham ahayd kooxda ku fiican dhinac walba oo ciyaarta ah ah.
Xiddigii hore ee kooxda Arsenal Theo Walcott ayaa aaminsan in ay Arsenal u ciyaartay sidii kooxaha jose Mourinho.
Waxa xusid mudan in mar walba kooxaha jose Mourinho u ciyaari jireen qaab difaac ah xitaa hadii ay la ciyaarayaan kooxo yar-yar.
Theo Walcott oo arintaas ka hadlaya ayaa yidhi”Wax muhiim ah ma lahan sida ay u ciyaareen, Arsenal waxa ay heshay natiijo fiican”.
“Waxa ay mar kale muujiyeen in ay qaab ciyaareedkooda isku dari karaan sababta oo ah waxa ay u ciyaareen sidii kooxda Jose Mourinho waxana ay u difaacdeen si fiican”.
Be the first to comment